Mae Cyngor Caerdydd yn datblygu cynigion ar gyfer pum Beicffyrdd i gynorthwyo a hyrwyddo beicio ar gyfer pobl o bob oedran a gallu. Bydd y llwybrau a gynigir yn cysylltu cymunedau â phrif gyrchfannau trwy’r ddinas, yn cynnwys canol y ddinas a’r Bae.
Bydd y Beicffyrdd yn cynnig llwybrau parhaus y mae’n reddfol eu defnyddio, yn braf eu defnyddio ac sydd ar wahân i’r cerbydau modur a cherddwyr pan fo angen.
Caiff y Beicffyrdd eu datblygu ar sail cynigion yn y Map Rhwydwaith Integredig, sy’n nodi cynllun 15 mlynedd i wella llwybrau cerdded a beicio yn y ddinas.
Dyma’r Beicffordd a gynigir:
-
Beicffordd 1: O ganol y ddinas i Cathays, Ysbyty Athrofaol Cymru, Gorsafoedd Trenau Uchel ac Isel y Mynydd Bychan a Safle Datblygu Strategol Gogledd-ddwyrain Caerdydd;
-
Beicffordd 2: canol y ddinas i Adamsdown, parciau manwerthu Heol Casnewydd, Tredelerch, Llanrhymni a Pharc Busnes Llaneirwg;
-
Beicffordd 3: canol y ddinas i Fae Caerdydd;
-
Beicffordd 4: canol y ddinas i Landaf, Danescourt a Safle Datblygu Strategol y Gogledd-orllewin;
-
Beicffordd 5: canol y ddinas i Glan-yr-afon, Trelái a Chaerau.
Ymgynghoriadau ar y Beicffordd
Beicffordd 4.2
Mae’r ddogfen hon yn becyn ymgynghori gyda phum opsiwn aliniio ar Feicffordd 4.2. Mae’n cynnwys deiagramau o’r opsiynau a gwybodaeth am sut i ymateb.
Beicffordd 5.3
Mae’r wybodaeth a geir yn y dogfennau hyn wedi’u dylunio i’w hargraffu. Mae’n bosib na fydd modd gweld popeth ar-lein.