BOBi yw ein SgwrsFot dwyieithog sydd wedi'i ddyfeisio i ateb eich cwestiynau a'ch helpu i gael mynediad at wasanaethau. Mae BOBi ar gael unrhyw adeg o'r dydd neu'r nos pan fydd yn gyfleus i chi.
Ein SgwrsFot yw'r ychwanegiad diweddaraf i ystod o sianeli cyswllt Cyngor Caerdydd, gan gynnig mwy o ddewis i chi a gwell profiad i’r cwsmer.
Gyda beth all BOBi eich helpu?
Gall BOBi eich helpu gydag amrywiaeth o wahanol wasanaethau megis:
- Ailgylchu a Gwastraff
- Y Dreth Gyngor
- Ysgolion
- Budd-daliadau a Grantiau
- Dirwyon
- Etholiadau
Rydym yn defnyddio eich adborth a'ch awgrymiadau i gyflwyno gwasanaethau newydd i'n SgyrsBot.
Gallwch ofyn cwestiynau fel:
- Pryd mae fy min neu fy magiau yn cael eu casglu?
- Pwy yw’r cynghorydd dros fy ardal?
- Sut rydw i'n talu dirwy parcio?
- Sut rydw i'n talu fy Nhreth Gyngor?
Drwy ddefnyddio BOBi i ateb eich cwestiynau byddwch yn arbed amser i chi eich hun a gall ein staff canolfan gyswllt ganolbwyntio ar ymholiadau mwy cymhleth a materion sensitif.
Mae ein SgyrsBot yn dysgu o'r cwestiynau rydych chi'n eu gofyn. Po fwyaf o gwestiynau y mae BOBi yn eu hateb, y mwyaf defnyddiol fydd ein SgyrsBot.
Sut mae defnyddio BOBi?
Bydd BOBi yn ymddangos ar waelod ein tudalennau gwe ar ailgylchu a gwastraff. Cliciwch arno i ddarllen ein telerau ac amodau ac i ddechrau sgwrs.
Gallwch deipio eich cwestiynau neu glicio ar opsiynau y mae BOBi yn eu darparu yn ystod y sgwrs. Os hoffech ddechrau eto gallwch, teipiwch 'ailgychwyn' ar unrhyw adeg.
Cliciwch ar y symbol minws i wneud y ffenestr sgwrsio yn llai. Gallwch barhau â'r sgwrs drwy glicio ar BOBi ar unrhyw adeg.
Bydd hanes eich sgwrs yn aros yn y sgwrs nes byddwch yn cau’r tab.
Mae eich data’n ddiogel gyda ni