Mae plant yn dechrau yn yr ysgol uwchradd y mis Medi ar ôl eu pen-blwydd yn 11. Bydd rhieni disgyblion ym mlwyddyn 6 yn Ysgolion Cynradd Caerdydd yn derbyn manylion am y broses ymgeisio.
Gallwch wneud cais am bob ysgol uwchradd gymunedol drwy ein system dderbyn ar-lein.
Rydym yn cynnal
derbyniadau cydgysylltiedig ar gyfer Ysgol Uwchradd Esgob Llandaf, Ysgol Uwchradd Mair Ddihalog, Ysgol Uwchradd yr Eglwys yng Nghymru Teilo Sant, Ysgol Uwchradd Gatholig Corpus Christi ac Ysgol Uwchradd yr Eglwys Newydd. I gael lle yn yr ysgolion hyn gallwch wneud cais drwy ein system dderbyn ar-lein.
Am le yn Ysgol Uwchradd Gatholig Illtyd Sant, bydd angen i chi wneud cais yn uniongyrchol i'r ysgol.
Gweld rhestr o ysgolion ffydd yng Nghaerdydd (545kb PDF).
Diwrnod cynnig lleoedd ysgol
O Ddydd Gwener 1 Mawrth, byddwn yn anfon llythyr cynnig atoch am leoedd ysgolion uwchradd ar gyfer Medi 2024 drwy e-bost a phost.
Byddwch yn derbyn un ai:
- lle yn eich ysgol ddewis gyntaf,
- lle mewn ysgol ddewis is, neu
- dim cynnig.
Os ydych wedi derbyn cynnig am le yn eich ysgol ddewis gyntaf, rhaid i chi ymateb i'r cynnig erbyn Dydd Gwener 15 Mawrth 2024.
Os ydych wedi derbyn cynnig am le yn eich ysgol ddewis is, mae hyn yn golygu nad oes digon o leoedd ar gael yn eich dewis cyntaf. Hyd yn oed os nad ydych yn siwr am y dewis is a gaiff ei gynnig, rydym yn eich annog yn gryf i dderbyn y cynnig hwn erbyn y dyddiad cau ac aros ar y rhestr aros ar gyfer eich ysgol dewis uwch. Bydd hawl i apelio yn parhau i fod gennych, hyd yn oed os byddwch yn derbyn cynnig is.
Os nad ydych wedi derbyn unrhyw gynnig, mae hyn yn golygu nad oes gan unrhyw un o'ch dewisiadau ddigon o leoedd ar gael. Mae lleoedd amgen yn parhau i fod ar gael mewn ysgolion yng Nghaerdydd ar gyfer eich plentyn. Byddwn wedi anfon rhestr atoch o ysgolion lle mae lleoedd ar gael.
Gweld copi o
lythyr dim cynnig (146kb PDF).
Ymateb i'r llythyr cynnig
Rhaid i chi ymateb i'r cynnig erbyn Dydd Gwener 15 Mawrth 2024.
Gallwch ymateb trwy:
Os na fyddwch yn ymateb i'r cynnig erbyn 15 Mawrth 2024, byddwn yn cymryd yn ganiataol nad ydych am gael y lle hwnnw mwyach ac efallai y caiff eich cynnig ei dynnu'n ôl.
Os byddwch yn derbyn y lle, bydd yr ysgol yn cysylltu â chi gyda manylion ynghylch y trefniadau derbyn.
Os ydych chi wedi methu dyddiad y cais
Mae ceisiadau wedi cau. Os ydych chi wedi methu’r dyddiad cau i wneud cais am le i ddechrau ym mis Medi 2024, cwblhewch gais hwyr.
Cwblhewch y ffurflen gais hwyr
Am rhagor o wybodaeth am dderbyniadau, darllenwch y
llyfryn derbyn i ysgolion (6.9mb PDF).
Y Broses ymgeisio
Os ganed eich plentyn rhwng 1 Medi 2012 a 31 Awst 2013
Dydd Llun 25 Medi 2023
| Y broses o wneud cais i ddechrau ym Mlwyddyn 7 ym mis Medi 2024 yn cychwyn.
|
Dydd Llun 20 Tachwedd 2023
| Dyddiad cau ar gyfer gwneud cais.
Ar ôl y dyddiad hwn, bydd angen i chi gwblhau cais hwyr.
|
Rhagfyr 2023 i Chwefror 2024
| Caiff ffurflenni eu prosesu a’u hasesu yn erbyn y Meini Prawf Derbyn priodol. Mae hyn hefyd yn cynnwys gwirio a dilysu’r cyfeiriad a’r wybodaeth ategol rydych wedi’u rhoi i ni.
|
Dydd Gwener 1 Mawrth 2024
| Diwrnod y Cynnig. Bydd e-bost yn cael ei anfon atoch ar ôl 10am. Os gwnaed cais amdano, bydd llythyr yn cael ei anfon atoch yn y post ar
ôl 10am. Nodwch mai dim ond ar ôl 10am ar y diwrnod cynnig y gellir rhoi penderfyniadau dros y ffôn.
|
Dydd Gwener 15 Mawrth 2024
| Dyddiad olaf i chi dderbyn neu wrthod y lle a gynigiwyd gennym. Rydym yn cadw’r hawl i dynnu cynigion yn ôl os nad ydym wedi cael ymateb erbyn y dyddiad hwn. Dyma’r dyddiad cau ar gyfer ceisiadau hwyr hefyd.
|
Ebrill 2024
| Ceisiadau (hwyr) yr ail rownd yn cael eu prosesu a’u hasesu. |
Mai 2024
| Canlyniadau’r ail rownd yn cael eu hanfon allan yn y post. Bydd pob rownd arall yn cael ei phrosesu’n fisol o nawr ymlaen. Safleoedd Rhestr Aros ar gael.
|
Medi 2024
| Plant yn dechrau yn yr ysgol uwchradd.
|
Derbyniadau Cydlynol
Rydym yn cynnal rhaglen dderbyn gydlynol gyda 5 ysgol uwchradd. Yr ysgolion a gynhwysir yw:
- Ysgol Uwchradd Gatholig Corpus Christi
- Ysgol Uwchradd Gatholig Mair Ddihalog
- Ysgol Uwchradd yr Eglwys yng Nghymru Teilo Sant
- Ysgol Uwchradd yr Eglwys yng Nghymru Esgob Llandaf
- Ysgol Uwchradd yr Eglwys Newydd
Cysylltu â ni
Os oes gennych chi gwestiwn neu os hoffech chi ragor o wybodaeth, cysylltwch â ni ar-lein:
Neu ffoniwch C2C ar 029 2087 2088.