Mae'n ofynnol i'r Cyngor adolygu ei drefniadau Derbyn Ysgolion yn flynyddol ac mae'n cynnal ymgynghoriad ar Drefniadau Derbyn i Ysgolion ar gyfer blwyddyn academaidd 2021-2022.
Mae'r ymgynghoriad yn gyfle i bobl ddysgu am newidiadau arfaethedig i Drefniadau Derbyn i Ysgolion Cyngor Caerdydd ar gyfer y flwyddyn academaidd 2021-2022.
Mae'r Trefniadau Derbyn drafft ar gyfer 2021/22 yn cynnig:
- Newidiadau ar gyfer derbyn plant ag Anghenion Dysgu Ychwanegol, sydd â Chynllun Datblygu Unigol, sy'n cyfateb i newidiadau yn y Cod ADY drafft
- Gweithredu trefniadau cydgysylltiedig, gyda Chorff Llywodraethu Ysgol Gynradd yr Eglwys yng Nghymru Llaneirwg ar gyfer derbyn i'r ysgol honno
- Eglurhad ynghylch pryd y byddai'r Cyngor yn ystyried bod amgylchiadau ymgeisydd wedi newid, ac y byddai cais wedyn yn cael ei ystyried fel cais newydd.
- Egluro'r amserlenni ar gyfer tynnu'r cynnig o le mewn ysgol yn ôl.
Mae'r Cyngor hefyd yn cynnig y dylid parhau â'r trefniadau derbyn cydgysylltiedig ar gyfer ysgolion uwchradd, sy'n berthnasol i bob ysgol uwchradd gymunedol; Ysgol Uwchradd Gatholig Corpus Christi; Ysgol Uwchradd yr Eglwys yng Nghymru Teilo Sant ac Ysgol Uwchradd yr Eglwys Newydd (Ysgol Sefydledig).