Nodi Anghenion Addysgol Arbennig

Mae pob plentyn a pherson ifanc yn dysgu mewn ffyrdd gwahanol ac ar gyflymderau gwahanol. Bydd rhai disgyblion ym mhob dosbarth ym mhob ysgol yn gwneud cynnydd arafach na phlant eraill ac wedi'u nodi fel disgyblion ag angen addysgol arbennig. Gallai plant ag anghenion addysgol arbennig fod wedi cael eu nodi mewn perthynas ag un neu fwy o'r canlynol:

• anawsterau llythrennedd neu rifedd
• anawsterau emosiynol, neu broblemau wrth wneud ffrindiau
• oedi o ran datblygiad eu lleferydd a'u hiaith
• anghenion corfforol neu feddygol, neu nam ar eu golwg neu eu clyw.

Gall yr anghenion hyn fod yn rhai hirdymor neu fyrdymor.

Mae gan bob ysgol yng Nghaerdydd arian yn eu cyllidebau a mynediad at ystod o wasanaethau arbenigol er mwyn gallu nodi disgyblion sy'n cael anawsterau dysgu a chynnig cymorth ychwanegol i'r disgyblion hynny.

Bydd y rhan fwyaf o blant a phobl ifanc sydd ag anghenion addysgol arbennig yn datblygu gyda'r cymorth a ddarperir gan eu hysgol. Efallai y bydd angen mwy o gymorth nag y gall yr ysgol ei ddarparu ar nifer fach o ddisgyblion. Yn yr achosion hyn, gall Cyngor Caerdydd benderfynu cynnal asesiad statudol (245kb PDF)​​​​​​​​​​​​​​​Link opens in a new window​ i sicrhau dealltwriaeth lawn o anghenion y plentyn neu'r person ifanc, a nodi'r cymorth arbenigol y bydd ei angen arnynt.