Gallwch ymuno â’n llyfrgelloedd yn rhad ac am ddim. Gallwch fenthyg llyfrau a defnyddio’r cyfrifiaduron am ddim, ond rydyn ni’n codi tâl am wasanaethau eraill fel menthyg CDs a DVDs. Gallwch fenthyg hyd at 15 o eitemau ar y tro o unrhyw leoliad.

 

I ymuno, ewch i un o’n llyfrgelloedd a dangos prawf adnabod. Er enghraifft:

 

  • Trwydded yrru
  • Cerdyn debyd neu gredyd 
  • Biliau cyfleustodau 
  • Cerdyn neu lyfr budd-daliadau 
  • Cyfriflen banc neu gerdyn credyd
  • Pasbort 
  • Cerdyn UCM neu gerdyn myfyriwr, gan gynnwys Cerdyn Adnabod Myfyriwr Rhyngwladol (ISIC) neu Gerdyn Teithio Ieuenctid Rhyngwladol (IYTC)

 

Os ydych eisoes yn aelod o wasanaeth llyfrgell arall yng Nghymru, Lloegr neu Ogledd Iwerddon, gallwch ymuno â Llyfrgelloedd Caerdydd drwy gyflwyno eich cerdyn llyfrgell dilys presennol.

 

Dan 16

 

Babanod

Adnewyddu

 

Dychwelyd eitemau’n hwyr

Help gyda chyfrifiaduron

 

Dan 16

 

Os ydych o dan 16 oed bydd angen i’ch rhiant/gofalwr ddangos un prawf adnabod a llofnodi’r cais.

 

Uchod

 

Babanod

 

Gall babanod ymuno cyn gynted ag y cânt eu geni! Darganfyddwch fwy am gynllun Dechrau Da a Baby Bookcrawl mewn unrhyw lyfrgell. Mae babanod yn dwlu ar lyfrau, ac mae mwy a mwy yn cymryd rhan yn Amser Odli. Gofynnwch i’ch llyfrgell leol am ddyddiad y sesiwn nesaf.

 

Uchod

 

Adnewyddu

 

Os nad ydych wedi gorffen gyda’r eitem, gallech ei hadnewyddu os nad oes unrhyw un arall wedi’i chadw. Gallwch adnewyddu’r llyfr:

 

  • ar-lein
  • drwy ymweld â’r llyfrgell, neu
  • drwy ffonio’r llyfrgell

 

Peidiwch ag anghofio y bydd angen eich cerdyn llyfrgell a’ch PIN arnoch os ydych am adnewyddu ar-lein. Os ydych wedi anghofio eich PIN, cysylltwch â ni

 

Uchod

 

Dychwelyd eitemau’n hwyr

 

Os byddwch yn anghofio dod â’ch eitem yn ôl ar amser, bydd yn rhaid i chi dalu dirwy fechan. Edrychwch ar y dudalen dirwyon a chostau llyfrgelloedd i gael y wybodaeth ddiweddaraf. Does dim dirwyon ar lyfrau i blant, ond ceisiwch eu dychwelyd mor agos i'r dyddiad dychwelyd â phosibl.

 

Uchod

 

Help gyda chyfrifiaduron

Os nad ydych yn hyderus gyda chyfrifiaduron, gofynnwch i aelod o staff eich helpu i ddechrau arni. Rydyn ni hefyd yn cynnig amrywiaeth eang o ddosbarthiadau dydd a nos i’ch helpu i wella eich sgiliau cyfrifiadurol. Holwch eich llyfrgell leol am fanylion.

 

Uchod

 


​​