Yn y Gwasanaethau Chwarae i Blant, rydym wedi llunio rhai syniadau a gweithgareddau chwarae ar gyfer plant, pobl ifanc a theuluoedd. Mae yna lawer o wahanol syniadau gan gynnwys chwarae thematig, celf a chrefft, taflenni gweithgareddau, gemau yn cynnwys geiriau, posau, gemau awyr agored a dan do.
Bydd y llyfrgell o syniadau yn tyfu bob wythnos wrth i'r Tîm Chwarae ychwanegu mwy a mwy o bethau hwyliog i'w gwneud.
Bob blwyddyn byddwn yn cynnal digwyddiad Diwrnod Chwarae Cenedlaethol am ddim yn un o fannau gwyrdd y ddinas.
Dathliad blynyddol yw diwrnod chwarae i godi ymwybyddiaeth o hawl plant i chwarae a phwysigrwydd chwarae ym mywyd pob plentyn. Mae chwarae yn rhoi manteision enfawr i blant a phobl ifanc, mae’n cefnogi eu lles ac yn eu galluogi i archwilio a datblygu eu dealltwriaeth o'r byd o'u cwmpas.
Rydyn ni wedi llunio rhai gweithgareddau i helpu i gefnogi eich lles.
Dewis o ystumiau yoga hwyliog, gemau dan do ac awyr agored, crefftau ac ymarferion ymestyn.
Ystumiau Yoga
Rhowch gynnig ar rai o'r ystumiau yoga hwyliog hyn!
Ystum y Mynydd
Ystum y Jiráff
-
Dechreuwch gyda'ch coes dde wedi'i phlygu ychydig i'r ochr.
-
Gorffwyswch eich braich dde ar y goes sydd wedi ei phlygu.
-
Codwch eich braich arall yn yr awyr fel dawnsiwr bale.
-
Anadlwch i mewn ac allan yn araf wrth aros yn y safle hwn.
Ystum y Plentyn
-
Ar eich dwylo a phengliniau, pwyswch eich cluniau yn ôl tuag at eich sodlau.
-
Ymestynnwch eich breichiau ymlaen tua’r ddaear.
-
Anadlwch i mewn ac allan ac ymlaciwch.
Ystum y Goeden
-
Sefwch yn syth ac yn dal yn Ystum y Mynydd.
-
Edrych yn syth ymlaen a dewis pwynt i ganolbwyntio arno.
-
Yn araf, dewch â'ch troed chwith i fyny.
-
Plygwch eich pen-glin a rhowch eich troed y tu mewn i'ch coes dde.
-
Dewch â'ch dwylo at ei gilydd o flaen eich calon, yna codwch nhw i fyny'n uchel i'r awyr fel coeden!
Ewch allan i’r awyr iach a chael hwyl gyda'n dewis o gemau, gweithgareddau a chrefftau.
Creu porthwr adar
Bydd angen:
-
canol y rholyn tŷ bach
llinyn neu edafedd
menyn cnau daear neu fêl
hadau neu cwinoa
Cam 1:
Rhowch eich llinyn drwy'r rholyn tŷ bach a chlymwch yn ddiogel.
Cam 2:
Taenwch fenyn cnau daear neu fêl dros y tu allan i'r rholyn tŷ bach.
Cam 3:
Taenwch hadau neu cwinoa dros y rholyn tŷ bach.
Cam 4:
Rhowch y porthwr i hongian ar gangen coeden neu lein ddillad.
Taflenni Gweithgareddau Awyr Agored
Ewch ar antur awyr agored a gweld a allwch chi ddod o hyd i'r holl eitemau sydd ar ein rhestr hela!
Gan ddefnyddio cymesuredd rhowch gynnig ar dynnu hanner arall ein lluniau natur.
Ffeithiau hwyliog a gweithgareddau crefft awyr agored i roi cynnig arnyn nhw.
Creu cymylau’n hawdd o ewyn
Crëwch eich cymylau eich hunain drwy ddilyn y cyfarwyddiadau hyn.
Bydd angen:
-
powlen
- blawd corn
- cyflyrydd gwallt
- lliw bwyd
Cam 1:
Gwasgwch gyflyrydd gwallt i bowlen.
Cam 2:
Ychwanegwch flawd corn a’u cymysgu gyda'i gilydd.
Cam 3:
Tylinwch tan iddo fod yn ewynnog a dewiswch lliw i'w gymysgu i’r ewyn!
Taflenni Gweithgareddau Gofod
Beth am roi cynnig ar ein chwilair gofod, gêm sgwariau neu ambell weithgaredd crefft gofod.
Rydym wedi rhoi rhai gweithgareddau celf a chrefft difyr at ei gilydd i chi roi cynnig arnynt gartref:
Hudlath swigodTaflen weithgaredd hudlathau swigod (642kb PDF)Dolen yn agor mewn ffenestr newydd
Rhestr o’r cyfan fydd ei angen arnoch a chyfarwyddiadau cam wrth gam ar gyfer creu hudlath swigod.
Taflen weithgaredd hedfan parasiwt yn yr awyr agored (589kb PDF)Dolen yn agor mewn ffenestr newydd
Rhestr o'r cyfan fydd ei angen arnoch a chyfarwyddiadau cam wrth gam ar gyfer hedfan parasiwt yn yr awyr agored.
Taflen weithgaredd potiau llinyn (578kb PDF)Dolen yn agor mewn ffenestr newydd
Rhestr o’r cyfan fydd ei angen arnoch a chyfarwyddiadau cam wrth gam ar gyfer creu pot llinyn.
Taflen weithgaredd barcud papur (579kb PDF)Dolen yn agor mewn ffenestr newydd
Rhestr o’r cyfan fydd ei angen arnoch a chyfarwyddiadau cam wrth gam ar gyfer creu barcud papur.
Rydym wedi llunio rhai syniadau gweithgaredd synhwyraidd hwyliog i blant a theuluoedd eu mwynhau gartref. Mae'r gweithgareddau hyn yn cynnwys llawer o wahanol weadau a lliwiau.
Taflen weithgaredd peli straen balŵn (159kb PDF)Dolen yn agor mewn ffenestr newydd
Rhestr o’r cyfan fydd ei angen arnoch a chyfarwyddiadau cam wrth gam ar gyfer creu peli straen balŵn.
Taflen weithgaredd sut ydw i’n teimlo (261kb PDF)Dolen yn agor mewn ffenestr newydd
Cyfarwyddiadau cam wrth gam ar gyfer gwneud print llaw i ddangos sut rydych chi’n teimlo.
Taflen weithgaredd potel synhwyraidd (297kb PDF)Dolen yn agor mewn ffenestr newydd
Gwybodaeth am sut i greu eich potel synhwyraidd eich hun.