Gweld penderfyniadau a cheisiadau cynllunio

Nid oes cost am gofrestru ar-lein Bydd angen cyfeiriad e-bost arnoch a gofynnir i chi roi eich enw cyntaf ac olaf. Ewch i’r adran gwneud cais ar-lein​​​​​​​​​​​​​​​D​olen allanol yn agor mewn ffenest newydd Cliciwch y botwm ‘cofrestru’ Llenwch yr adrannau ar y ffurflen. Rhaid i adrannau â seren (*) wrthynt gael eu llenwi i gwblhau’r broses gofrestru. Gofynnir i chi greu cyfrinair. Unwaith i chi glicio ‘cyflwyno’ cewch gadarnhad dros e-bost i’r cyfeiriad a roddwch. Rhaid i chi glicio’r ddolen yn
yr e-bost i orffen eich cofrestriad.

Os ydych eisoes wedi cofrestru, cliciwch y tab ‘mewngofnodi’ pan ewch i’r adran gwneud cais ar-lein​​​​​​​​​​​​​​​D​olen allanol yn agor mewn ffenest newydd​
Bydd angen i chi nodi’ch cyfeiriad e-bost a’ch cyfrinair i fewngofnodi.

Mae pedair ffordd wahanol o chwilio am gais cynllunio cyfredol​​​​​​​​​​​​D​olen allanol yn agor mewn ffenest newydd​ yn dibynnu ar faint o wybodaeth sydd gennych am y cais rydych am ddod o hyd iddo.

Gallwch: 

(Nid oes angen i chi gofrestru ar-lein na mewngofnodi i chwilio, er os nad ydych wedi mewngofnodi ni fyddwch yn gallu cadw chwiliadau na rhoi sylwadau). 

Syml: Chwilio drwy ddefnyddio cod post llawn neu ran o god post, neu un llinell o gyfeiriad, e.e. enw stryd, allweddair, cyfeirnod llawn neu ran o gyfeirnod. Mae’r cyfeirnod yn ddeg digid a bydd bob amser yn dilyn y fformat 12/12345/ABC.

Os nad ydych yn gwybod y cyfeirnod llawn, gallwch osod y symbol canran ‘%’ yn lle un o’r digidau, e.e. 01/1234%. 
Dylai’r cyfeirnod gael ei nodi’n glir ar bob hysbysiad cyhoeddus a phob darn o waith papur sy’n ymwneud â’r cais. 

Manwl: Mae hyn yn eich galluogi i roi gwybodaeth fanylach am y cais rydych yn chwilio amdano, ac mae’n ddefnyddiol os
oes angen i chi ddod o hyd i gais penodol. Gallwch chwilio gan ddefnyddio dyddiadau perthnasol, enw’r person
a gyflwynodd y cais, neu amrywiaeth o ffactorau eraill. 

Rhestrau wythnosol/misol:  Bob dydd Gwener byddwn yn cyhoeddi rhestr o wybodaeth am yr holl geisiadau cynllunio sy’n gyfredol a cheisiadau y penderfynwyd arnynt yn ddiweddar. Gallwch, fodd bynnag, chwilio am gais drwy ddefnyddio'r dyddiad a gwybodaeth ychwanegol ddewisol fel Statws neu ym mha un o wardiau Caerdydd y mae, er mwyn cael gwybodaeth fyw amdano. 

Eiddo:  Gallwch chwilio am geisiadau cynllunio drwy nodi’r cyfeiriad (llawn neu rannol) lle y bwriedir i’r gwaith fynd rhagddo.
Gallwch chwilio am gyfeiriad os ydych yn gwybod y manylion, neu glicio ar y botwm ‘Chwilio Strydoedd A-Y’
am unrhyw geisiadau yng Nghaerdydd, a gaiff eu rhestru fesul stryd. 

Pan gliciwch ar y cais perthnasol, bydd yn dangos yr holl ddogfennau, amlinelliadau, lluniau a chynlluniau perthnasol.​

Rhaid i chi gofrestru ar-lein (gweler yr adran uchod) a mewngofnodi i wneud hyn. 

Pan gaiff canlyniadau’r chwiliad eu rhestru ceir tri opsiwn ychwanegol os ydych wedi mewngofnodi ar y system.
Rhestrir y rhain ochr yn ochr ar ochr dde uchaf y canlyniadau chwilio. Y rhain yw: 

Newid Chwiliad – yn gadael i chi newid manylion y chwiliad. 

Cadw Chwiliad – bydd hyn yn cadw’r chwiliad ar eich proffil, ac yn dangos y chwiliad bob tro y byddwch yn
mewngofnodi i’r system, onid ydych yn ei ddileu. Mae opsiwn ychwanegol ar y cam hwn i chi gael negeseuon
am unrhyw newidiadau (e.e. ychwanegu ceisiadau cynllunio newydd) i’ch chwiliad dros e-bost. Er enghraifft,
gallech wneud chwiliad am geisiadau cynllunio ar eich stryd, a byddech yn cael gwybod am unrhyw geisiadau
newydd drwy e-bost. 

Fersiwn i'w argraffu – bydd y fersiwn hwn yn agor ffenestr newydd yn eich porwr, gan ddangos eich
canlyniadau chwilio mewn fformat y gellir ei argraffu.

• Rhaid i chi gofrestru ar-lein (gweler yr adran uchod) a mewngofnodi i wneud hyn.
• Chwiliwch am y cais cynllunio penodol rydych am ei weld a chliciwch y tab ‘Sylwadau’.
• Os ydych wedi mewngofnodi, bydd eich holl fanylion personol yn ymddangos yn awtomatig.
  Darllenwch y rhain yn ofalus cyn cyflwyno’ch sylw.
• Ni chaiff eich cyfeiriad, rhif ffôn na chyfeiriad e-bost eu cyhoeddi gyda’ch sylw.

• Rhaid i chi gofrestru ar-lein (gweler yr adran uchod) mewngofnodi i wneud hyn.
  
• Mae’r gwasanaeth hwn am ddim.
• Rhaid i chi ddangos y cais penodol rydych am ei ddilyn ar y sgrîn, yn hytrach na’ch canlyniadau chwilio cyffredinol neu restr o geisiadau.
• Cliciwch y tab ‘dilyn’.
• Caiff y cais hwn ei gadw dan ‘Ceisiadau rydych yn eu dilyn’ a gallwch ei weld bob tro y byddwch yn mewngofnodi drwy glicio ar y tab ‘Fy Mhroffil’.
• Pan fyddwch yn dilyn cais, cewch wybod bob tro y mae newid yn cael ei wneud i’r cais dros e-bost.
• Gallwch ddilyn mwy nag un cais ar yr un pryd.
• Gallwch stopio dilyn cais drwy fewngofnodi, clicio ‘Fy Mhroffil’ ac yna ‘Ceisiadau rydych yn eu dilyn’, a chlicio’r groes goch wrth y cais/ceisiadau nad ydych am eu dilyn mwyach.