Nod Deddf Llesiant Cenedlaethau’r Dyfodol (Cymru) 2015 yw gwella llesiant economaidd, cymdeithasol a diwylliannol Cymru drwy ddatblygu cynaliadwy.
Mae’r Ddeddf yn gosod dyletswydd ar gyrff sector cyhoeddus i weithredu i gyflawni 7 nod llesiant yn unol ag ‘Egwyddor datblygiad cynaliadwy’.
Mae'r 7 nod llesiant fel a ganlyn:
- Cymru lewyrchus
- Cymru gadarn
- Cymru iachach
- Cymru fwy cydradd
- Cymru o gymunedau cydlynus
- Cymru o ddiwylliant byw a’r iaith Gymraeg yn ffynnu
- Cymru gyfrifol fyd-eang
Er mwyn dangos eu bod yn gweithredu ‘Egwyddor datblygiad cynaliadwy’, bydd angen i gyrff cyhoeddus:
- Edrych i’r tymor hir
- Canolbwyntio ar atal drwy ddeall y rhesymau craidd sy’n achosi problemau
- Darparu dull integredig o gyflawni’r 7 nod llesiant
- Cydweithio ag eraill i nodi atebion cynaliadwy a rennir
- Cynnwys poblogaethau amrywiol yn y penderfyniadau sy’n effeithio arnyn nhw
Bydd cyrff cyhoeddus yn gweithredu ar y cyd drwy’r Byrddau Gwasanaethau Cyhoeddus i wella llesiant economaidd, cymdeithasol a diwylliannol ardal yr Awdurdod Lleol. Mae’r aelodaeth statudol yn cynnwys yr Awdurdod Lleol, Bwrdd Iechyd, Gwasanaeth Tân ac Achub a Chyfoeth Naturiol Cymru.
I ddysgu mwy am Fwrdd Gwasanaethau Cyhoeddus Caerdydd ewch i Cardiff PartnershipDolen yn agor mewn ffenestr newydd
Bydd cyflawni’r 7 nod llesiant yn Neddf Llesiant Cenedlaethau’r Dyfodol yn helpu i sicrhau bod Caerdydd yn lle gwych i fyw, gweithio a chwarae ynddo heddiw ac i’r dyfodol.