Trefniadau ar gyfer ysgolion yn ystod y cyfnod atal
Bydd ysgolion cynradd ac ysgolion arbennig yn ailagor fel arfer ar ôl y gwyliau hanner tymor.
Bydd ysgolion uwchradd yn ailagor ar ôl y gwyliau hanner tymor ar gyfer plant blynyddoedd saith ac wyth a phlant sydd fwyaf agored i niwed.
Bydd disgyblion yn gallu dod i’r ysgol i sefyll arholiadau ond bydd disgyblion eraill yn parhau i ddysgu gartref am wythnos arall.
Darllenwch ein
cwestiynau cyffredin i rieni a disgyblion
Prydau Ysgol Am Ddim
Ar gyfer plant sy'n gymwys i gael Prydau Ysgol Am Ddim, bydd y systemau e-dalebau a Parent Pay yn parhau ar waith hyd nes y daw'r ddarpariaeth arlwyo yn ôl i rym ym mhob ysgol.
Gwneud cais am le mewn ysgol
Am help a chyngor ar dderbyn i ysgolion, gan gynnwys cyflwyno cais hwyr, ewch i’r system ar-lein Derbyn i Ysgolion neu e-bostiwch
derbyniysgolion@caerdydd.gov.uk
Apeliadau
Mae ein tîm apeliadau’n parhau i broses apeliadau derbyn lleoedd ysgol. Os hoffech apelio, anfonwch y ffurflen gais wedi’i chwblhau i
apeliadauysgolion@caerdydd.gov.uk
Canolfannau ailgylchu
Bydd canolfannau ailgylchu Bessemer Close a Lamby Way yn cau o'r adeg y daw’r cwsmer olaf ar ddydd Gwener 23 Hydref a byddant yn ailagor ar ddydd Llun 9 Tachwedd yn unol â Chanllawiau Llywodraeth Cymru.
Os oes gennych apwyntiad rhwng y dyddiadau hyn bydd yn cael ei ganslo.
Ni fydd apwyntiad sydd wedi ei ganslo yn ystod y cyfnod hwn yn cael ei ystyried yn ymweliad sydd wedi ei ddyrannu i chi
Bydd angen i chi aildrefnu’r apwyntiad sydd wedi ei ganslo. Gallwch
gwneud apwyntiad newydd ar-lein.
Casgliadau gwastraff gardd y gaeaf hwn – newidiadau i wasanaeth
Ni fydd unrhyw gasgliadau gwastraff gardd ym mis Tachwedd, Rhagfyr na Chwefror.
Cynhelir casgliadau am bythefnos ym mis Ionawr, ar gyfer casglu coed Nadolig a gwastraff gardd arall.
Gellir mynd â gwastraff gardd i
ganolfannau ailgylchu gydol y flwyddyn.
Cadarnhewch ddyddiadau eich casgliadau ailgylchu a gwastraff.
Casgliadau Eitemau swmpus
Darganfyddwch
fwy am gasgliadau eitemau swmpus a sut i drefnu casgliad.
Os ydych yn cael trafferth talu’ch treth gyngor am eich bod ar incwm isel neu is, gallwch o bosib gael Gostyngiad y Dreth Gyngor.
Dysgwch ragor a gwnewch gais am ostyngiad.
Os ydych eisoes yn cael Gostyngiad y Dreth Gyngor gallwch
roi gwybod i ni am unrhyw newidiadau yn eich amgylchiadau.
Os oes gennych bryderon am eich taliadau treth gyngor
cysylltwch â thîm y Dreth Gyngor ar ein ffurflen gyswllt ar-lein neu drwy e-bostio’r swyddfa yn
trethgyngor@caerdydd.gov.uk
Oherwydd y pandemig COVID-19 rydym yn cael nifer fawr o ymholiadau. Byddwch yn amyneddgar, byddwn yn cysylltu’n ôl gynted ag y gallwn. Mae’n ddrwg gennym os yw hyn yn anghyfleus. Ardaloedd chwarae
Bydd parciau lleol, mannau chwarae a champfeydd yn yr awyr agored yn aros ar agor.
Llyn Parc y Rhath
Bydd system unffordd dros dro ar gyfer cerddwyr o amgylch Llyn Parc y Rhath yn aros yn ei lle saith diwrnod yr wythnos hyd nes y ceir rhybudd pellach.
Bydd traffig dwyffordd yn cael ei gynnal ar Wild Gardens Road, Lake Road East a Lake Road West, rhwng y Gerddi Gwyllt a'r promenâd. Yma, bydd yr holl leoedd parcio i ymwelwyr yn cael eu tynnu, yn agosaf at y Llyn, a fydd yn creu lle ychwanegol i feicwyr a loncwyr.
Pont y Gored Ddu
Mae Pont y Gored Ddu dros Afon Taf ar gau.
Yn ystod cyfnod atal y Coronafeirws ledled Cymru rhwng 23 Hydref a 9 Tachwedd bydd pedwar hyb craidd yn y ddinas yn parhau i fod ar agor:
- Hyb y Llyfrgell Ganolog
- The Powerhouse
- Hyb Llaneirwg
- Hyb Trelái a Chaerau
Bydd gweddill yr hybiau a'r llyfrgelloedd ar gau yn ystod y cyfnod hwn.
Dim ond drwy apwyntiad y ceir mynediad i’r hybiau craidd, oni bai bod angen taleb Banc Bwyd arnoch neu os ydych yn casglu bagiau ailgylchu neu fagiau gwastraff bwyd.
I gael gwybod mwy am y gwasanaethau Cyngor a Llyfrgelloedd, ac i drefnu apwyntiad ffoniwch 029 2087 1071.
Bydd yr holl weithgareddau wyneb yn wyneb sydd wedi bod yn digwydd mewn hybiau, fel clybiau swyddi a chymorth digidol, yn dod i ben.
Bydd gwasanaethau clicio a chasglu llyfrgelloedd yn cael eu hoedi yn ystod y cyfnod atal. Gall defnyddwyr llyfrgell gael mynediad at ystod eang o
eLyfrau ac Adnoddau Electronig am ddim ar-lein.
Rydym wedi creu
Gweithgareddau’r Cloi Mawr gan gynnwys fideos, taflenni gweithgareddau, a chwisiau i chi eu mwynhau gartref tra bod yr Hybiau a’r Llyfrgelloedd ar gau.
Mae rhwydwaith Hawliau Tramwy Cyhoeddus Cyngor Caerdydd dal ar agor i'w ddefnyddio gan y cyhoedd. Bydd hyn yn parhau i gael ei adolygu a gall newid os nodir ardaloedd lle mae grwpiau o bobl yn ymgasglu ac yn mynd ati i anwybyddu mesurau a nodwyd gan y Llywodraeth.
Gofynnwn i bob aelod o'r cyhoedd ddilyn y gofynion o ran ymbellhau cymdeithasol a defnyddio eu llwybrau lleol yn hytrach na theithio i gefn gwlad yn ddiangen. Mae llawer o lwybrau troed a llwybrau ceffylau yn croesi tir preifat, ffermydd ac mewn rhai achosion maent yn agos i gartrefi preifat. Cadwch at y llwybrau, cadwch eich pellter oddi wrth dirfeddianwyr a pharhewch i ddilyn y cyfyngiadau a'r mesurau sydd yn eu lle i'ch diogelu chi ac eraill.
Caiff pob hysbysiad cau llwybr ei gyhoeddi ar-lein a bydd hysbysiadau'n cael eu dangos ar y safle dan
Rheoliadau Diogelu Iechyd (Coronafeirws) (Cymru) 2020
Dolen allanol yn agor mewn ffenest newyddCeir canllawiau penodol ar y Rheoliadau Coronafeirws mewn perthynas â llwybrau tramwy a thir mynediad, ynghyd â rhestr canoledig o ddolenni i gaeadau Awdurdodau unigol
yn y dolenni canlynolDolen yn agor mewn ffenestr newydd
Hysbysiad cau llwybr cerdded
Gofyniad i gau er mwyn lleihau'r risg o gyswllt cyhoeddus a lledaenu’r Coronafeirws.
Yr Eglwys Newydd Llwybr Cerdded Cyhoeddus Rhif 78 Rhiwbina Hill at Lôn Ysgubor (547kb PDF)Dolen yn agor mewn ffenestr newydd. O 31 Mawrth, 2020 tan ddiwedd cyfnod argyfwng COVID-19.
Yn sgil y cyngor a roddwyd gan y Llywodraeth, rydym wedi penderfynu cau nifer o leoliadau i'r cyhoedd yn gyfan gwbl:
Mae Neuadd y Ddinas a Neuadd y Sir ar gau fel lleoliadau ar gyfer llogi preifat a digwyddiadau preifat.
Yn dilyn y cyhoeddiad am gyfnod atal coronafeirws a fydd yn para pythefnos, mae Awdurdod Harbwr Caerdydd wedi cadarnhau y bydd Lociau’r Morglawdd, Llithrfa Channel View a Phontynau Talu ac Arddangos yr Harbwr Mewnol yn cau o 6pm nos Wener.
Bydd y lleoliadau canlynol hefyd yn cau yn ystod y cyfnod atal:
Bydd digwyddiadau y bwriedir eu cynnal yn ddiweddarach yn y flwyddyn yn parhau i gael eu hadolygu a bydd penderfyniadau ynghylch a ydynt yn mynd rhagddynt yn cael eu gwneud ar sail y cyngor diweddaraf gan y Llywodraeth ar yr adeg honno.
Cofrestriadau genedigaethau newydd
Yn sgil canllawiau Llywodraeth Cymru, rydym wedi dechrau ar ein proses adfer ar gyfer cofrestru genedigaethau. Mae gennym dros 1,750 o enedigaethau heb eu cwblhau a byddwn yn rhoi blaenoriaeth i weithio ein ffordd trwy’r rhestr hon yn nhrefn dyddiad.
Os oes gennych apwyntiad eisoes, bydd ein Cofrestrwyr yn cysylltu â chi’n uniongyrchol.
Rhagor a wybodaeth am
gofrestri genedigaethau ar wefan Cofrestri CaerdyddDolen allanol yn agor mewn ffenest newydd
Priodasau
Gall hyd at 10 o westeion bellach fynychu priodasau a phartneriaethau sifil a gynhelir yn yr ystafell seremonïau fach yn y Swyddfa Gofrestru, ond rhaid dilyn canllawiau Llywodraeth Cymru/Iechyd Cyhoeddus Cymru a rheolau ymbellhau cymdeithasol bob amser.
Nid oes modd cynnal seremonïau mewn safleoedd cymeradwy fel gwestai o hyd. Bydd angen llacio rhagor o gyfyngiadau symud cyn i’r rheiny ddigwydd eto, ac mae’r safleoedd yn disgwyl canllawiau penodol ar gyfer Cymru gan Lywodraeth Cymru a'r Swyddfa Gofrestru Gyffredinol.
Gellir cynnal seremonïau mewn lleoliadau crefyddol fel eglwysi, capeli a themlau erbyn hyn hefyd, ond unwaith eto rhaid cadw at ganllawiau Llywodraeth Cymru/Iechyd Cyhoeddus Cymru a rheolau ymbellhau cymdeithasol.
Mae brecwastau priodas yn dal i gael eu gwahardd o dan y rheolau ymbellhau cymdeithasol presennol.
Os oes gennych drefniadau ar y gweill gyda ni a hoffech drafod eich opsiynau, cysylltwch â ni ar 029 2087 1680/4 neu
seremoniau@caerdydd.gov.uk
Angladdau
Rydym wedi cyflwyno cyfyngiadau ar nifer y bobl sy'n mynychu angladdau. Caiff uchafswm o ddeg aelod o’r teulu agos fynychu angladdau ac amlosgiadau sy'n digwydd yn Amlosgfa Draenen Pen-y-graig a mynwentydd y ddinas.
Mae'r ffi safonol o £50 ar gyfer gweddarllediadau byw o angladdau wedi cael eu hepgor.
Mae ardal y dderbynfa yn Amlosgfa Draenen Pen-y-graig bellach ar gau i'r cyhoedd. Gellir ymdrin ag ymholiadau ar-lein o hyd ar
wefan Profedigaeth CaerdyddExternal link opens in a new window, drwy e-bostio
thornhillreception@cardiff.gov.uk neu drwy ffonio 029 2054 4820.
Bydd pedair mynwent yng Nghaerdydd yn ail-agor i aelodau'r cyhoedd o ddydd Sadwrn 25 Ebrill. Bydd timau ar gael i sicrhau bod y broses o ymbellhau cymdeithasol yn cael ei chynnal ac na chaiff y gofodau eu defnyddio'n amhriodol yn ystod argyfwng COVID-19.
Mae'r Cyngor yn galw ar y cyhoedd i ymweld â'r mynwentydd os ydynt yn ymweld â bedd neu ar gyfer angladd yn unig.
Bydd mynediad cyfyngedig i Fynwent ac Amlosgfa Draenen Pen-y-graig. Yn unol â deddfwriaeth Llywodraeth Cymru bydd yr Amlosgfa ei hun ar gau i’r cyhoedd ehangach, ac eithrio i uchafswm o 10 aelod teulu agos yn mynychu angladdau a chladdedigaethau.
Ni chaniateir mynediad i’r cyhoedd i ardaloedd eraill y safle, megis y gerddi, y cofebion, neu’r Llyfr Coffa.
Ein blaenoriaeth yw cadw tenantiaid a staff yn ddiogel yn ystod y cyfnod anodd iawn hwn ac mae hyn yn golygu ein bod wedi gorfod gwneud rhai newidiadau i wasanaethau. Mae'r newidiadau rydym wedi'u gwneud yn cydymffurfio â chanllawiau Iechyd y Cyhoedd a Llywodraeth Cymru.
Gweler y
Llythyr at Denantiaid oddi wrth Julie James, y Gweinidog Tai a Llywodraeth Leol (450kb PDF)Dolen yn agor mewn ffenestr newydd
Atgyweiriadau
Rydym wrthi’n cwblhau gwaith atgyweirio brys ar hyn o bryd.
Wrth ymweliad, bydd gweithwyr yn cadw at ganllawiau ymbellhau cymdeithasol a bydd tenantiaid yn cael gwybod am hyn cyn yr ymweliad.
Os byddwch yn datblygu unrhyw symptomau sy'n gysylltiedig â COVID, cysylltwch â ni cyn gynted ag y bo modd i ail drefnu eich apwyntiad.
Taliadau Rhent
Mae’r rhan fwyaf o wasanaethau’n gweithredu fel arfer, ond dylai Tenantiaid sy’n cael problemau â thalu rhent ddal i gysylltu â ni. Gall staff gynnig cyngor a chymorth a byddant yn parhau i helpu tenantiaid drwy’r cyfnod anodd hwn.
Materion yn ymwneud â Thenantiaeth ac Ymddygiad Gwrthgymdeithasol
Mae ymweliadau gartref yn cael eu gwneud mewn achosion argyfwng a brys. Mae unrhyw ymweliadau ag ardaloedd tu allan hefyd wedi ail-ddechrau. Bydd gwaith arferol yn dali gael ei wneud dros y ffôn os yn bosibl.
Glanhau Ardaloedd Cymunedol Fflatiau
Mae gwasanaethau wedi dychwelyd i’r arfer. Mae hyn yn cynnwys gwasanaethau glanhau a glanhau a chlirio.
Cynnwys Tenantiaid
Mae pob cyfarfod sydd wedi ei drefnu gan y Cyngor wedi ei atal. Argymhellwn yn gryf y dylai pob grŵp atal eu cyfarfodydd.
Symud Cartref
Mae ymweliadau yn cael eu cynnal yn rhithiwr. Pan fydd gwaith ar eiddo wedi’i gwblhau, caiff fideo ei anfon at yr ymgeisydd sydd wedi llofnodi ar gyfer yr eiddo i ddangos ba waith sydd wedi’i wneud.
Caiff cytundeb tenantiaeth a dogfennau perthnasol eraill eu cyflwyno a’u llofnodi’n ddigidol.
Ar ôl llofnodi cytundeb tenantiaeth, byddwn yn cysylltu â'r tenant i drafod telerau ac amodau ei denantiaeth, ynghyd â chynorthwyo gydag unrhyw geisiadau eraill – e.e. trefnu cyfleustodau neu gymorth cyrchu (os oes angen).
Rhoddir mynediad i allweddi ar y cam hwn.
Digartrefedd
Byddwn yn dal i weithio ar ein heiddo gwag ac yn helpu pobl ddigartref i symud allan o lety dros dro a hosteli.
Newidiadau i Barcio a Theithio oherwydd COVID-19:
Parcio a Theithio y Dwyrain: Dydd Llun – dydd Sul.
Parcio a Theithio’r Gorllewin: Nid yw’r gwasanaeth yn rhedeg ar hyn o bryd.
Parcio a Theithio’r De: Dim gwasanaeth bws. Parcio a Cherdded o faes parcio Neuadd y Sir.