Gellir diffinio cyd-nerthu cymunedol drwy ddweud: “Cymunedau ac unigolion yn defnyddio’u hadnoddau a’u harbenigedd lleol i’w helpu mewn argyfwng, mewn modd sy’n ategu ymateb y gwasanaethau brys.”
Mae cyd-nerthu cymunedol yn rhan o amryw gymunedau ac mae’n newid ac esblygu yn barhaus. Tra bod ewyllys da pobl mewn argyfwng ar y diwrnod yn hollbwysig, erbyn hyn mae pobl yn cymryd camau, fel unigolion ac ar y cyd, i baratoi eu hunain ymlaen llaw cyn bod argyfwng yn digwydd.
Mae Cyngor Caerdydd wedi paratoi dogfen sy’n darparu cyfarwyddyd i gymunedau ar baratoi cynlluniau argyfwng i gymunedau ac aelwydydd, gellir gweld y cyfarwyddyd drwy ddilyn y ddolen isod.
Paratoi ar gyfer Argyfungau – Canllaw ar gyfer Cymenedau
Gall cymryd un neu ddau o gamau cyn i argyfwng ddigwydd helpu i’ch cadw chi a’ch teulu yn ddiogel.
Ystyriwch y canlynol:
Siaradwch gyda’ch teulu a ffrindiau a threfnwch “Gyfaill Argyfwng”, sef eich pwynt cyswllt cyntaf pe bai rhaid i chi adael eich cartref a chadw’ch teulu a chi eich hun yn ddiogel. Byddech chi a’ch teulu yn fwy cyffyrddus gyda ffrindiau neu deulu nag y byddech mewn Canolfan Argyfwng/orffwys wedi ei drefnu gan y Cyngor.
Paratowch fag i fynd yn cynnwys manylion cyswllt hanfodol a chyflenwad o fwyd, meddyginiaethau hanfodol i aelodau’r teulu neu i anifeiliaid anwes. Efallai yr hoffech chi hefyd gynnwys copïau o ddogfennau pwysig fel dogfennau yswiriant neu Gardiau/cofnodion brechu anifeiliaid anwes. (gwybodaeth bellach ar gael yn y ddogfen Paratoi ar gyfer Argyfungau – Canllaw ar gyfer Cymenedau)
Beth am gael ffrind wrth law i helpu’ch anifail anwes, efallai na all y ffrind roi llety i’ch teulu mewn argyfwng, ond efallai y byddan nhw’n barod i edrych ar ôl ci neu gath tan i chi allu mynd adref neu drefnu lloches iddyn nhw. Mae mwy o wybodaeth ar les anifeiliaid i’w gael ar wefan yr RSPCA neu os yw anifail mewn gofid gallwch ffonio’r RSPCA ar: