Sign In
Cyngor Caerdydd www.caerdydd.gov.uk
Loading

Fy Nghymdogaeth

Defnyddiwch eich cod post i ddod o hyd i gynghorwyr, cyfleusterau, dalgylchoedd ysgol lleol a mwy.

Find facilities in my area

Cyngor Caerdydd

www.caerdydd.gov.uk

Rheoli Cyllid y Cyngor

​​​​​​​​​​​​​​

Datganiad o Gyfrifon

O 8 Gorffennaf 2021 i ddydd Mercher 4 Awst 2021​​ mae’r Datganiadau Cyfrifon drafft a’r Cyd-bwyllgorau, lle taw ni yw’r corff atebol, ar gael i’r cyhoedd eu harchwilio rhwng 9:30am a 3:30pm.  Mae rhagor o wybodaeth ar gael yn y ddolen isod.  Mae hyn hefyd yn cynnwys eich hawl i ofyn cwestiynau i archwilydd y Cyngor mewn perthynas â’r dydd Mercher 1 Medi 2021. 


Arolwg o Gyfrifon i flwyddyn ariannol 2020/21 (16.8kb PDF)​​​​​​​​​Dolen yn agor mewn ffenestr newydd

Datganiad Cyfrifon Drafft 2020/21 (8.67kb PDF)​​​​​​​​​Dolen yn agor mewn ffenestr newydd

Mae’r Cyngor yn cyhoeddi ei Ddatganiad Cyfrifon (yn cynnwys Awdurdod Harbwr Caerdydd).  O 2017/18 mae Datganiad Cyfrifon Cronfa Bensiwn Caerdydd a Bro Morgannwg a’r Datganiad Llywodraethu Blynyddol ar gael fel dogfennau ar wahân, cyn hyn roedden yn rhan o Ddatganiad Cyfrifon y Cyngor.  O 2019/20, mae ffurflen corff bychan Awdurdod Iechyd Porthladd Caerdydd ar gael fel dogfen ar wahân, cyn hyn fe’i hymgorfforwyd yn Natganiad o Gyfrifon y Cyngor. Mae’r cyfrifon yn rhoi gwybodaeth am ein gweithgareddau ariannol yn ystod y flwyddyn, ac asedau  a rhwymedigaethau ar ddiwedd y flwyddyn. Caiff y cyfrifon eu harchwilio’n annibynnol gan Archwilio Cymru ​​​​​​​D​olen allanol yn agor mewn ffenest newydd


Mae Rheoliad 10(1) o Reoliadau Cyfrifon ac Archwilio (Cymru) 2014 (fel y'i diwygiwyd) yn ei gwneud yn ofynnol i Swyddog Ariannol Cyfrifol Cyngor Sir Dinas a Sir Caerdydd lofnodi a dyddio'r datganiad cyfrifon, ac ardystio ei fod yn rhoi darlun cywir a theg o sefyllfa ariannol y corff ar ddiwedd y flwyddyn y mae'n berthnasol iddi ac o incwm a gwariant y corff hwnnw am y flwyddyn honno. Roedd y Rheoliadau yn ei gwneud yn ofynnol cwblhau hyn erbyn 31 Mai 2021.  Llofnododd ac ardystiodd y Swyddog Ariannol Cyfrifol y cyfrifon ar 15 Mehefin 2021.​


Mae rheoliad 10(2) o Reoliadau Cyfrifon ac Archwilio (Cymru) 2014 (fel y'i diwygiwyd) yn ei gwneud yn ofynnol, yn dilyn ardystiad y Swyddog Ariannol Cyfrifol y cyfeirir ato uchod, fod Cyngor Sir Dinas a Sir Caerdydd yn cymeradwyo ac yn cyhoeddi'r datganiad cyfrifon a archwiliwyd. Roedd y Rheoliadau yn ei gwneud yn ofynnol cwblhau hyn erbyn 31 Gorffennaf 2021.  Oherwydd yr achosion o COVID-19, nid yw'r archwiliad o ddatganiad cyfrifon 2020-21 wedi'i gwblhau eto ac nid oes barn archwilio wedi'i chynnig.  Y datganiad cyfrifon a gyhoeddir yw'r datganiad cyfrifon nas archwiliwyd. 




Mae Datganiad Cyfrifon drafft Cyngor Caerdydd, Awdurdod yr Harbwr Caerdydd, Awdurdod Iechyd Porthladd Caerdydd a chronfa bensiwn Caerdydd a Bro Morgannwg ynghyd â’r tri chyd-bwyllgor y mae Cyngor Caerdydd yn awdurdod arweiniol arnyn nhw, sef Archifau Morgannwg, Prosiect Gwyrdd a Bargen Ddinesig Dinas Ranbarth Caerdydd ar gael isod yn Saesneg.  Yn dilyn cwblhau’r broses archwilio, bydd dogfennau a archwiliwyd ar gael yn y Gymraeg.​​

​​

 

Cronfa Bensiwn Caerdydd a Bro Morgannwg

     

    Datganiad Llywodraethu Blynyddol


    Cyngor Caerdydd yw awdurdod arweiniol Bargen Ddinesig Prifddinas-Ranbarth Caerdydd, Swyddfa Cofnodion Morgannwg, Prosiect Gwyrdd a Awdurdod Iechyd Porthladd Caerdydd. Daeth Consortiwm Prynu Cymru i ben ar 31 Mawrth 2016, mae cyfrifon ar gael hyd at flwyddyn ariannol 2015/16.  


     

    Cytundeb Dinesig Prifddinas-Ranbarth Caerdydd



    ​​

     

    Archifau Morgannwg

     

    Prosiect Gwyrdd


     


    Awdurdod Iechyd Porthladd Caerdydd

    Nid yw'r ffurflen ddrafft wedi'i chymeradwyo. Cyn 2019/20 roedd  y ffurflen yn cael ei chymeradwyo ochr yn ochr â chyfrifon y Cyngor. Bydd y ffurflen archwiliedig derfynol yn cael ei chymeradwyo yn y Cyngor gyda Datganiad Cyfrifon y Cyngor.​

     

    Consortiwm Prynu Cymru

    Cyfrifoldeb y Swyddog Cyfrifeg/Swyddog Cleient yw cynnal gwefan Cyngor Dinas Caerdydd; nid yw’r gwaith a wneir gan archwilwyr yn cynnwys ystyried y materion hyn ac o ganlyniad nid yw archwilwyr yn derbyn unrhyw gyfrifoldeb am unrhyw newidiadau a allai fod wedi digwydd i’r datganiadau ariannol ers iddynt gael eu cyflwyno yn y lle cyntaf ar y wefan. 

    Rheoli Risgiau Ariannol 

    Mae gan y Cyngor ddull gweithredu rhagweithiol o ran rheoli risg sy’n ein helpu ni i fanteisio i’r eithaf ar ein hadnoddau. 

    Mae cyfrifoldeb statudol arnom i archwilio, gwerthuso a monitro sut rydym yn defnyddio ein hadnoddau, yn cynnwys ein cyllid, a gwneir y gwaith hwn gyda chymorth Archwilwyr Mewnol. 

    Mae’r Archwilwyr Mewnol yn rhoi cyngor ac arweiniad ar ddatblygu mesurau cadarn i fonitro a rheoli risg, helpu i nodi gwelliannau, a sicrhau cydymffurfiaeth â’r rheolau a’r rheoliadau. Maent hefyd yn helpu i ymdrin ag atal, canfod ac ymchwilio i achosion o dwyll a amheuir neu gamweinyddu ariannol. ​

    Gwasanaeth Archwilio Mewnol a Gwrth Dwyll

    Mae'r tîm Archwilio Mewnol yn rhoi sicrwydd, cyngor a mewnwelediad gwrthrychol sy'n seiliedig ar risg. Rhagor o wybodaeth am Archwilio Mewnol​​.


    Mae’r Tîm Ymchwilio yn gwneud ystod o waith rhagweithiol ac ymatebol i atal a chanfod twyll. Mae’n cynorthwyo rheolwyr i ddatblygu a chynnal diwylliant o ddeall trwy’r sefydliad bod twyll, llwgrwobrwyo a llygredd yn annerbyniol ac y gweithredir yn gadarn i atal a chanfod colledion twyll, dwyn twyllwyr i gyfrif yn gyflym ac yn effeithiol, ac adennill unrhyw golledion. Rhagor o wybodaeth am dwyll.​

    Yswiriant 

    Mae holl asedau ffisegol y Cyngor – megis adeiladau, cerbydau a pheiriannau – wedi’u hyswirio, ac mae yswiriant atebolrwydd gennym hefyd ar gyfer colledion ariannol a allai ddigwydd yn sgîl difrod neu anafiadau a achosir gan y Cyngor, ei gyflogeion neu bobl eraill sy’n gweithredu ar ei ran, os dyfernir mai’r Cyngor sydd ar fai.
     

    Mae ein hadran Yswiriant yn cydlynu’r gwaith o ymdrin â phob hawliad yswiriant a wneir gan y Cyngor neu yn erbyn y Cyngor. Os oes gennych ymholiad cyffredinol am yswiriant y Cyngor neu os ydych am wneud hawliad cysylltwch â ni.
     

    Os ydych am wneud hawliad yn erbyn y Cyngor, rydym yn argymell y dylech ddarllen Gwneud hawliad yn erbyn Cyngor Caerdydd. Hawliadau Atebolrwydd - Nodiadau Canllaw


    Caiff pob hawliad ei asesu’n unigol ac yn deg, a lle bod hawliadau yn gyfreithlon, ein nod yw eu talu cyn gynted â phosibl. Fodd bynnag, nid oes unrhyw hawl awtomatig i gael iawndal – bydd angen i chi brofi mai’r Cyngor oedd ar fai yn unol â’r gyfraith.

    ​​​​029 20872247

     

    Gallwch ysgrifennu at y cyfeiriad canlynol hefyd:    

    Blwch SP 9000
    Caerdydd
    CF10 3ND 

    ​​​​​​​​​​​​​​​​​​​​​​​​​​​​​​​