Mae Rhwydwaith Ysgolion Iach Caerdydd yn gynllun gwobrwyo lleol a reolir gan Wasanaeth Addysg Caerdydd ac a gefnogir gan bartneriaid allweddol gan gynnwys Tîm Iechyd Cyhoeddus Caerdydd a’r Fro.
Mae ein cynllun wedi bod ar waith ers 1999 ac mae wedi’i achredu gan Gynlluniau Ysgolion Iach - Rhwydwaith Cymru. Darperir cyllid ar gyfer y cynlluniau Ysgolion Iach drwy Gymru gan
Iechyd Cyhoeddus CymruDolen allanol yn agor mewn ffenest newydd
Mae Cymru ymhlith un o’r gwledydd gorau am hyrwyddo iechyd mewn ysgolion. Mae Tîm Ysgolion Iach Caerdydd yn gweithio gyda phob ysgol a gynhelir yn y brifddinas, gan gynnwys ysgolion meithrin, cynradd ac uwchradd, ysgolion arbennig ac unedau cyfeirio disgyblion. Prif nod ein gwaith yw gweithio gyda’r ysgolion hyn i nodi camau gweithredu perthnasol i wella iechyd a lles disgyblion a chymuned yr ysgol gyfan. Ac, unwaith y byddai’r camau gweithredu perthnasol hyn wedi’u penderfynu arnynt, gall ysgolion ddefnyddio adnoddau a hyfforddiant a roddir gan ein tîm.
Maesydd gweithredu
Mae wyth maes gweithredu yn ein fframwaith y mae ysgolion yn gweithio arnynt dros chwe cham. Y meysydd gweithredu yw:
-
Maeth,
-
Gweithgarwch Corfforol,
-
Datblygiad Personol a Pherthnasau,
-
Defnyddio a Chamddefnyddio Sylweddau,
-
Iechyd a Lles Meddwl ac Emosiynol,
-
yr Amgylchedd,
-
Diogelwch, a
-
Hylendid.
Mae pob cam yn cymryd rhwng blwyddyn a thair blynedd i’w cwblhau gyda’r Wobr Ansawdd Genedlaethol ar y diwedd. Ar ddiwedd pob cam, asesir ysgolion gan aelod o’r tîm Ysgolion Iach gyda chynrychiolydd asiantaeth bartner. Mae’r wobr yn ddewisol i ysgolion sydd wedi bod yn rhan o’r cynllun am o leiaf naw mlynedd ac wedi cwblhau cam pump. Gwobr ragoriaeth ydyw ac felly gall gymryd ychydig flynyddoedd i’w cwblhau yn unol â safonau cenedlaethol.
Pan fydd ysgol wedi cwblhau holl waith cam olaf y wobr, mae aseswyr cenedlaethol yn mynd ati i asesu’r gwaith hwnnw drwy Gymru. Gall ysgolion sy’n dewis peidio i fynd am y wobr gwblhau Cam Chwech Lleol. Unwaith y bydd ysgol wedi cwblhau’r chwe cham, byddant yn cael eu hailasesu bob dwy flynedd i sicrhau bod safonau iechyd a lles yn cael eu cynnal.
Mae ein cynllun yn cefnogi statws Dinas Iach Sefydliad Iechyd y Byd Caerdydd ac yn helpu ysgolion i gyflawni agwedd ‘Lles’ fframwaith arolygu cyffredin Estyn, y rhoddwyd mwy o bwyslais arno ers 2010. Rydym yn gweithio’n aml gydag asiantaethau partner fel:
Ein nod yw creu cysylltiadau ar draws Caerdydd a Chymru sy’n cefnogi ysgolion ein prifddinas yn cyrraedd eu llawn botensial.
Mae gan bob ysgol gydlynydd Ysgolion Iach, felly os ydych yn rhiant neu gofalwyr a bod gennych ddiddordeb yn yr hyn y mae eich plentyn yn ei wneud ar y cynllun yn yr ysgol, gallwch gysylltu â'r ysgol yn uniongyrchol am y wybodaeth hon.
Yn 2011 ymestynnodd Iechyd Cyhoeddus Cymru y cyllid ar gyfer y cynllun hwn drwy greu fersiwn blynyddoedd cynnar o Ysgolion Iach. Yng Nghaerdydd gelwir hyn yn Gynllun Cyn Ysgol Iach a Chynaliadwy Caerdydd, ac mae aelodau’r tîm Ysgolion Iach yn ei gydlynu.