Mae gan blant a phobl ifanc hefyd hawl i gael eu hamddiffyn rhag niwed.
Beth i'w wneud os ydych yn poeni am blentyn
Os ydych yn credu bod plentyn mewn perygl uniongyrchol o niwed, ffoniwch 999 a dywedwch wrth yr heddlu.
Os ydych yn credu bod plentyn mewn risg, nad yw’n derbyn gofal priodol neu fod gennych bryderon am ei les, cysylltwch â ni drwy ffonio
029 2053 6490
Y tu allan i oriau swyddfa, ffoniwch y Tîm Dyletswydd Brys ar
029 2078 8570
Beth sy'n digwydd nesaf?
Os ydych yn cysylltu ar ran rhywun, bydd angen i ni ofyn ambell gwestiwn i chi am y person hwnnw, er enghraifft:
- y rhesymau dros eich pryder
- cyfeiriad cartref ac oedran neu ddyddiad geni’r plentyn
- enwau, cyfeiriadau ac oedrannau neu ddyddiadau geni aelodau teulu’r plentyn
- enwau gweithwyr proffesiynol sy’n gysylltiedig â’r teulu, megis meddyg teulu neu ysgol
- a ydych yn credu bod perygl i ddiogelwch y sawl a aiff i ymweld â chartref y plentyn.
Does dim rhaid i chi wybod popeth am y person cyn cysylltu â ni. Byddwn yn ymdrechu i'ch cadw’n ddienw p’un a fyddwch yn gofyn i ni wneud hynny ai peidio. Weithiau, nid yw hyn yn bosibl oherwydd natur y wybodaeth a rowch i ni, neu oherwydd bod rhaid dwyn achos i’r llys.
Os nad ydych yn teimlo’n ddigon cyfforddus i siarad â ni, am ba bynnag reswm, dywedwch wrth rywun arall sy’n adnabod y teulu, megis athro, meddyg, nyrs neu ymwelydd iechyd.