Sut mae cofrestru i bleidleisio

I bleidleisio mewn unrhyw etholiad neu refferendwm y DU, mae'n rhaid eich bod wedi’ch cofrestru i bleidleisio. Mae'n hawdd iawn cofrestru i bleidleisio ac nid yw’n cymryd mwy na 5 munud fel arfer.

Dim ond unwaith mae angen i chi gofrestru - nid ar gyfer pob etholiad. Bydd angen i chi gofrestru eto os ydych wedi newid eich enw, eich cyfeiriad neu'ch cenedligrwydd.

Gallwch gofrestru i bleidleisio ar-lein.

I gofrestru gofynnir i chi am y manylion canlynol:

eich enw llawn
eich cyfeiriad post
eich dyddiad geni
eich rhif yswiriant gwladol (os ydych yn 16 oed neu'n hŷn)

Mae eich rhif Yswiriant Gwladol i'w weld ar waith papur swyddogol fel slipiau cyflog neu lythyrau am fudd-daliadau neu gredydau treth.

Os na allwch chi ddarparu unrhyw un o'r manylion hyn am unrhyw reswm, efallai y bydd angen i ni gysylltu â chi am ragor o wybodaeth.

Os ydych chi wedi darparu eich cyfeiriad e-bost, dylech gael e-bost cadarnhau ar ôl i chi wneud cais i gofrestru.

Os nad ydych chi wedi rhoi cyfeiriad e-bost, byddwch yn derbyn llythyr drwy’r post.

Cymorth i gofrestru ar-lein

Os oes gennych chi, neu rywun rydych chi'n ei adnabod, anabledd dysgu, gallwch chi ddefnyddio'r canllaw hawdd ei ddarllen ar wefan GOV.UK.

Ydych chi'n gymwys i gofrestru i bleidleisio?

Gallwch chi gofrestru i bleidleisio os ydych yn byw yng Nghaerdydd ac yn 14 oed neu'n hŷn, a’ch bod yn:

Ddinesydd Prydeinig neu Wyddelig, neu
Dinesydd o'r Gymanwlad sydd â chaniatâd i ddod neu i aros yn y DU neu nad oes angen caniatâd o'r fath arno, neu
Gwladolyn tramor sydd â chaniatâd i ddod neu i aros yn y DU neu nad oes angen caniatâd o'r fath arno, neu
Dinesydd yr Undeb Ewropeaidd

Os ydych chi’n fyfyriwr, byddwch chi’n gallu cofrestru yn eich cyfeiriad cartref a'ch cyfeiriad yn ystod y tymor.

Dod o hyd i ragor o wybodaeth am gymhwysedd i gofrestru a phleidleisio.

Ydych chi eisoes wedi cofrestru?

Os nad ydych yn siŵr a ydych wedi cofrestru ai peidio, byddwn yn gallu helpu. Cysylltwch â ni.

Cofrestru drwy'r post

Gallwch chi lawrlwytho ac argraffu ffurflen gofrestru i bleidleisio, ei llenwi, ei llofnodi, a’i hanfon atom.

Os na allwch chi lawrlwytho ac argraffu'r ffurflen, gallwch gysylltu â ni i ofyn am argraffiad o'r ffurflen hon.

Cofrestru dros y ffôn

Gallwch chi gofrestru trwy ffonio 029 2087 2087.

Oriau agor: Dydd Llun i ddydd Gwener, 9am tan 4pm.

Cysylltu â ni

Os oes gennych unrhyw gwestiynau neu os oes angen cymorth, cysylltwch â ni.

Ffôn: 029 2087 2088

E-bost: gwasanaethauetholiadol@caerdydd.gov.uk

Gwasanaethau Etholiadol

Ystafell 263, Neuadd y Sir,

Glanfa'r Iwerydd

Caerdydd

CF10 4UW

Fy Nghymdogaeth

Cyngor Caerdydd